Rama inspekton aksin Gusmar-Kuç: Mos bëj si Ramiz Alia që erdhi dhe gënjeu

Kryeministri Edi Rama, bashkë me deputetin Damian Gjiknuri dhe Alket Hyseni kanë inspektuar punimet në segmentin e tretë të lumit të Vlorës. Rama deklaroi se në këtë zonë punimet për të zhvilluar turizmin ishte një premtim i kahershëm. Ndërsa shtoi se aksi që do të ndërtohet Gusmar – Kuc lidh Tepelenën me Himarën.

Ndër të tjera, Rama u shpreh se do të ndërtojë dy kantiere të reja në Malet e Labërisë, ndërsa shtoi se segmentet e reja që pritet të ndërtohen do t’i japin më shumë zhvillim kësaj zone turistike.

“Këtu mund të bësh turizëm edhe verës, edhe dimrit, nuk është njësoj si në Himarë prsh apo jo. Kjo zonë është pak e panjohur për turistët shqiptarë. Kjo është një zonë e mrekullueshme”, u shpreh Rama.

Pjesë nga biseda

Dritan Leli: Këtu kanë ardhur shumë kryeministra, por ju vini për herë të parë me fjalë të mbajtur

Edi Rama: Ku ishim ne kur na thanë që mos e bëj edhe ti si Ramiz Alia që na tha por na gjëneu

Dritan Leli: Në Shurisht më duket…

Edi Rama: M’u duk çudi se që në atë kohë ishte dhënë fjala por nuk është bërë ende. Se më thonin që sa herë vinin ‘do bëjmë rrugën hajde gëzuar’. Sa herë vinin për brigadën dhe më thanë se të gjithë vinin pastaj në Kuç dhe e bënin këtë ritual, por asnjëherë nuk e mbaronin rrugën. Unë për brigadën s’kam ardhur ndonjëherë, por për rrugën erdha.

Dritan Leli: Faleminderit shumë nga të gjithë komunistët e kësaj zone.