Kryeministri Edi Rama ka dalë në një komunikim live me qytetarët përpara pak minutash.
Përsa i përket masave drastike kundër përhapjes së koronavirusit në fundjavë, ai ka sqaruar edhe arsyen se përse ka ndjekur këtë metodë.
Kryeministri ka sqaruar se nuk është ironia që të gjithë thonë, se virusi punon part-time apo me orare të caktuara, por jemi ne ata që shkelim rregullat duke u mbledhur në fundjavë me njëri-tjetrin dhe duke përbërë kështu rrezik për përhapjen.
Më pas kryeministri ka marrë shembull edhe shtete të tjera si Greqia apo Spanja të cilët ecin ende sipas tij me rregulla të ashpra dhe masa drastike.
“Janë pikërisht ato gjëra që bëmë dhe ato që po bëjmë, që nuk patëm vuajtje dhe qindra të vdekur. Masachuttes në SHBA ka dyfishin e popullit të Shqipërisë dhe numëron mbi 6 mijë të vdekur. Sepse nuk bëri ato që ne bëmë dhe që ndjekësit e kësaj faqeje mendojnë se ajnë komplotet e botës, së Gates për të instaluar mikrochipin, e për të kursyer lekët e pensioneve. E dini që sot Suedia ka numri më të vdekur në një kohë më të shkurtër? Dhe Suedia nuk është vendi ku bëhen dasma me nga 500 vetë dhe nuk kanë nevojë për polici e ushtri kur u thotë qeveria që të rrinë mbyllur. Tani na kanë dalë pretendimet se bota qenka hapur. Cila botë qenka hapur? Shkoni në Greqi dhe bëni xhiro me makinë, shkoni në Itali e Spanjë dhe ikni ku të doni. Dhe shikojeni se ne po hedhim hapa të mirëmenduara por jo dhe aq të ngadalta.”, deklaroi Rama.
