Pse koronavirusi është më vdekjeprurës në Europë sesa në Kinë? Ja çfarë thotë ky studim shkencor

Pas pesë muajve tashmë që pandemia e COVID19 ka pushtuar botën, ditë pas dite dalin studime dhe përfundime të reja nga ana shkencore.

Së fundmi një prej tyre zbulon se koronavirusi i ri mund të shkaktojë mpiksje vdekjeprurëse të gjakut, dhe sjell “qindra bllokime të vogla” në mushkëri.

Më pas këto dëmtojnë funksionin e mushkërive, për të cilën shkencëtarët thonë se shkaktari numër një i shumë vdekjeve.

Problemet e rënda të frymëmarrjes, mund të shkaktojnë nivele të ulëta të oksigjenit dhe të shkatërrojnë organet e trupit.

Ndërsa studime të tjera kanë treguar se mpiksja jo normale e gjakut në pacientët me COVID19 mund të rrisë rrezikun për sulmet e zemrës dhe goditjet në tru.

Mund të themi se deri më tani koronavirusi i ri ka shumë të panjohura të cilat ende nuk janë shpjeguar.

Një prej tyre është dhe fakti që përse ky virus ka shkaktuar më shumë vdekje në Europë sesa në Kinë.

Por ekspertët e kanë një shpjegim për këtë.

Ata thonë se kinezët kanë një rrezik më të ulët të mpiksjes së gjakut në përgjithësi për shkak të dallimeve gjenetike.

Kjo ndihmon dhe në arsyetimin se pse koronavirusi duket të jetë më vdekjeprurës në Europë në krahasim me vendet si Kina.