Përgjimet nga policia, shpërthen gazetari i njohur: Po përdoren metoda të sigurimit të shtetit

Çështja e ditëve të fundit në lidhje me mundësinë që policia të bëjë përgjime ambientale është kthyer në një debat publik.

Në lidhje me këtë debat ka reaguar edhe gazetari i njohur i kronikës, Basir Çollaku, i cili e ka komentuar atë si një nismë shumë negative që nuk ndikon për mirë në imazhin e policisë por edhe për sigurinë e qytetarëve.

I ftuar në emisionin “Abc-ja e mëngjesit”,  gazetari Çollaku tha këto janë metoda identike të sigurimit të dikurshëm në diktaturë, ndërsa i cilëson si alarmante dhe shqetësuese.

“Sandër Lleshit ia kanë dhënë atë nuk e ka propozuar. Ai është lexuesi i atij drafti që është bërë. Por është alarmante dhe shqetësuese se është një rikthim i ustallarëve të hetimit. Janë identike metoda të sigurimit të dikurshëm. Këtu tani ka një privatizim tërësisht të atij institucioni. Mund t’ja vëmë emrin Sandër Lleshaj, Edi Rama. Është edhe çështje trashëgimie. Është pak gjenetike. Të vesh një ushtarak ministër të brenshëm që këtu i fillo çudia. Ky model nuk është në asnjë vend të botës. FBI nuk i ka këto qyfyre. E filluam eksperimentin edhe me gripin. Dy llojet e përgjimeve që kemi nuk bëhen pa miratim në gjykatë”, u shpreh gazetari.