Pedagogu bën deklaratën e fortë: Do ketë përplasje civile

Pedagogu Ervin Goci në fjalën e tij gjatë protestës para pedonales tha se kërkojmë konsensus popullor për t’u përgatitur për një protestë madhështore në emër të Teatrit dhe republikës.

Goci u shpreh se SPAK duhet të veprojë urgjent që të mos lejojë fillimin e punës sepse kjo do të shkaktojë përplasje civile.

Fjalimi i Ervin Gocit:

Sot në një orë u mblodhëm kaq veta. Imagjinoni në një fushatë të mirëfilltë që do bëjmë. Nesër jemi në Shkodër, do shkojmë me peticionin i cili ka në kokë rindërtimin e teatrit dhe rindërtimin e republikës sonë tek themelet e atij teatri që do ndërtohet siç ka qenë aty ku ka qenë.  Ne nuk kemi në dorë vendimmarrje, por kërkojmë konsensus popullor. Këtë konsensus popullor do ta kërkojmë edhe në qytetet e tjera dhe po  përgatitemi për një tubim madhështor që do jetë ne emër të teatrit dhe republikës. Kjo është filozofia e sheshit, filozofia nuk është të futesh në vrima. Unë i kërkoj sot SPAK që të veprojë urgjent dhe mos lenë të bëjë centimetrin e punës sepse kjo do të shkaktojë përplasje civile.