Ditën e djeshme një lajm konfirmoi faktin se një infermiere në repartin e kirurgjisë në spitalin e Beratit rezultoi e infektuar me COVID19.
Më pas të gjithë mjekët, infermierët dhe sanitarët iu nënshtruan menjëherë testit për të verfikuar nëse ishin dhe ata të prekur ose jo.
Testimi u bë edhe për personat e kontaktit të familjarëve të tjerë të punonjëses së bashkisë Berat, vëllait dhe motrës së saj, që rezultuan pozitiv me koronavirus.
Por një lajm i mirë quhet ai që vjen së fundmi pasi nga 90 testime të kryera në total në qytetin e Beratit, asnjë rast nuk është konfirmuar pozitiv me COVID-19.
Sipas Drejtorisë së Shëndetit Publik në Berat, rezultatet e sotme janë inkurajuese për mbylljen e qarkut të infektimeve në këtë qytet dhe mospërhapjen e mëtejshme të rasteve të reja.
Kujtojmë se deri më tani janë 10 raste aktive me koronavirus në Berat dhe ajo që e bën më shqetësuese këtë fakt është se këto shifra janë regjistruar vetëm këtë javë.
