Paratë për Teatrin, Ahmetaj: Nga dheu do i nxjerrim nëse s’i kemi

Ministri për Rindërtimin njëherësh ministri përgjegjës për situatën e krijuar nga Covid-19, Arben Ahmetaj, ka folur edhe për çështjen e Teatrit Kombëtar, dhe ndërtimin e godinës së re.

Në një komunikim për News24, Ahmetaj tha se edhe nëse qeveria nuk i ka paratë, do i nxjerrë nga dheu.

“Teatri i ri do jetë obelisk i kulturës shqiptare dhe i ndërthurur me kulturën ndërkombëtare moderne. Siç shumë kujt nuk i ka ardhur mirë kur paratë i kemi nxjerrë nga dheu, do t’i nxjerrim nga dheu nëse s’i kemi. Bota financiare funksionon me kredi, me të ardhurat e veta, me financim”, deklaroi Ahmetaj.