“Nuk kam pirë asnjëhere”, Kokëdhima: Jam pro përdorimit të kanabisit

Prej kohësh është hapur debate për legalizimin apo jo të kanabisit.

Ndërkaq, i ftuar në emisionin “Real Talk”, ka qenë ish-deputeti socialist Koço Kokëdhima, i cili shprehet se është pro legaliziit të kanabisit për arsye mjekësore, por edhe creative.

Kokëdhima shprehet se personalisht nuk është konsumues dhe se kurrë nuk kishte qenë, por me legalizimin e tij mafia i ka mundësitë zero për të bërë para.

Koço Kokëdhima shprehet:

Nuk kam pirë asnjëherë. Jam pro përdorimit të kanabisit edhe për qëllime kreative. Në kushtet tona është shumë pozitive. Nga aspekti ekonomik padiskutim. Ne duhet ta zerojmë atë që mafia e marijuanës të bëjë para këtu. Mos lejojmë furnizimin nga drogmenët dhe spaçatorët.

Vendet e tjera po ecin dhe ne i themi, shiko, nuk do ju dënojmë, ju mund ta pini dhe nga ana tjetër shkoni furnizohuni nga kriminelët. Por ndërkohë shko merre në farmaci, me çmim të kontrolluar, që të demotivojë gjithë këtë strukturë kriminale të ndërtuar.

Nuk mjafton vetëm të kesh një vendimmarrje të drejtë dhe hajd ta bësh, por puna është si ta bësh.