LIGJET E BIZNESIT
Ditën e sotme pas dy muajsh për shkak të situatës nga pandemia e COVID19, kryetarja e Lëvizjes Socialiste për Integrim Monika Kryemadhi është takuar me kreun e Partisë Demokratike Lulzim Basha në selinë blu.
Menjëherë pas takimit, Kryemadhi ka zgjedhur ti përgjigjet gazetarëve për Reformën Zgjedhore.
Kryemadhi ka konfirmuar se nuk ka më Këshill Politik, pasi opozita ka dërguar 5 propozimet ose 5 drafte për Reformën Zgjedhore dhe mazhorancës i mjafton vetëm 1 të zgjedhë.
Sipas saj mazhorancës i intereson ta vonojë qoftë edhe një sekondë prandaj ajo shprehet edhe e bindur se në videokonferencën e djeshme Yuri Kim, ambasadorja amerikane i ka thënë Gjiknurit që mazhoranca të lëvizë shpejt me këtë Reformë.
”Nesër mblidhet komisioni që do njihet me 5 propozimet. 5 drafte, për njërin nga këto drafte të bjerë dakort mazhoranca dhe presim reagimin e tyre.
Presim reagimin nga pala tjetër. çdo zvarritje që vjen nga pala tjetër nuk është e papritshme. Ata duan edhe 1 sekondë më tepër pasi një firmë nga Rama do të thotë një vjedhje më shumë për koncesion.
Ambasada amerikane ka qenë e informuar për të gjitha takimet, bisedat e Këshillit Politik dhe Reformës Zgjedhore.
Jam e sigurt se Yuri Kim i ka kërkuar të lëvizin shpejt me Reformën Zgjedhore. Për kushtet që ka dhënë OSBE/ODIHR, 5 propozime le të bjenë dakord me një. ”, deklaroi Kryemadhi gjatë fjalës së saj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
