Kryetarja e LSI-së, Monika Kryemadhi pohoi se Lulzim Basha do jetë kryeministri i ardhshëm i vendit, nëse opozita fiton zgjedhjet e ardhshme.
“A është PD partia më e madhe? I takon atij për të qenë kryeministër”, u shpreh ajo, duke nënkuptuar se pritshmëritë e saj janë që PD të marrë më shumë vota se LSI në zgjedhje.
Në një studio televizive, Kryemadhi tha se LSI ka një koalicion me PD dhe aleatë të tjerë për të qenë të bashkuar në zgjedhjet e ardhshme parlamentare.
E pyetur nëse do hyjnë në zgjedhje me Ramën kryeministër, Kryemadhi tha se “nuk e besoj që është kusht i panegociueshëm”.
