Ditën e sotme Gjykata e Tiranës ka marrë vendimin për moderatorin e njohur Hermes Nikaj, i cili është arrestuar në nëntor të vitit të kaluar me akuzën për “prostitucion dhe shfrytëzim prostitucioni”.
Kështu, gjykata ka zëvendësuar masën e sigurisë “arrest me burg” në “arrest shtëpie” për Nikajn, i cili njihet ndryshe dhe me pseudonimin “Zogu i Tiranës”.
Kujtojmë se Hermes Nikaj u arrestua, pas publikimit të disa mesazheve ku thuhej se ai siguronte femra të ndryshme për prostitucion duke i dërguar në banesa ose hotele të cilat do të kryenin marrëdhënie seksuale në këmbim të vlerave monetare që varionin nga 10 mijë lekë deri në 20 mijë leke të reja për 2 orë.
Madje për Nikajn u tha se merrte pjesë edhe vetë në këto akte, dhe ditën e arrestimit ndodhej në një hotel në periferi të Tiranës së bashku me një vajzë dhe një djalë, momentin që policia i vuri prangat.
