Kryeministri Edi Rama ka bërë një njoftim të rëndësishëm, duke shpjeguar disa lehtësime të reja që do të hyjnë në fuqi duke filluar nga dita e nesërme.
Sipas asaj që shkruan kreu i qeverisë, Fieri do të kthehet në një zonë të gjelbër po ashtu dhe zonat e tjera që më herët kanë qenë të gjelbra do të kenë mundësi lëvizjeje 24 orë të ditës.
Gjithashtu një lehtësim tjetër të rëndësishëm do ketë dhe për zonat e kuqe pasi tashmë lëvizja do të jetë pa autorizim dhe deri në orën 21:00.
Ndërkohë komunikimi mes zonave të kuqe dhe të gjelbra nuk do të lejohet sërish, për të kufizuar së më shumë përhapjen e COVID-19.
Një lajm të mirë, Rama e ka dhe për televizionet pasi nga e hëna studiot do jenë të hapura për më shumë se një person, por vetëm duke zbatuar masat e sigurisë për 2 metra distancë nga njëri tjetri.
REAGIMI I PLOTE I KRYEMINISTRIT EDI RAMA
Nga nesër për javën në vazhdim, në bazë të vendimit të Ministrisë së Shëndetësisë:
? FIERI KTHEHET NË ZONË E GJELBËR
? HIQET KREJTËSISHT FASHA ORARE E LËVIZJES NË ZONAT E GJELBËRTA
? FASHA ORARE E LËVIZJES NË ZONAT E KUQE ZGJATET DERI NË ORËN 21.00
? HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE
VAZHDON TË JETË E NDALUAR HYRJE – DALJA E AUTOMJETEVENË ZONAT E KUQE⛔️
? QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI – TJETRI?
Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht?
*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal