LIGJET E BIZNESIT
Seanca e sotme në Kuvend ka nisur me debate mes të pranishmëve.
Bëhet fjalë për deputetin e opozitës parlamentare, Ralf Gjoni i cili ka kërkuar ngritjen e një Komisioni Hetimor Parlamentar për të hetuar shembjen e godinës së Teatrit Kombëtar.
Ai është shprehur se ky akt ka shkaktuar një zemërim te populli dhe duhet zbardhur dhe u vetëofrua që të drejtonte komisionin nëse askush tjetër nuk do ta bente.
Gjithashtu Gjoni kërkoi ndërprerjen e menjëhershme të seancës dhe ngritjen e Komisionit Hetimor.
“Ka shumë dritëhije, më tepër hije në këtë ngjarje të shëmtuar, ka paqartësi, mungesë transparence, mungesë e provave e transferimit të pronësisë së godinës nga qeveria te bashkia. Duke marrë në konsideratë rolin tim si deputet dua t’ju kërkoj juve sot të mblidhni kryetarët e grupeve, duke pezulluar në këtë moment seancën duke ngritur një komision hetimor parlamentar që të marrë në konsideratë zbardhjen e kësaj ngjarje, që ka shkaktuar kaq shumë mllef dhe zemërim. Kush nuk ka këllqe unë vetëofrohem që ta drejtoj këtë komision dhe hajde ta hetojmë këtë ngjarje”, tha Gjoni.
Në lidhje me këtë kërkesë të Gjonit, Kreu i Kuvendit Gramoz Ruçi sqaroi se: “Interpelancë me qeverinë për këtë çështje. Sapo të mbërrij në Kuvend, që ende s’ka ardhur, do të ndjek gjithë procedurat parlamentare që të realizohet dhe të keni të drejtën e shprehjes. Për kërkesën tuaj për Komision Hetimor, ushtroni të drejtën e rregullues, institucionalizoni kërkesën dhe do të shqyrtohet sipas gjithë rregullave”.
