Mot kapriçoz, në këto zona priten rrebeshe shiu

Vijon të jetë e paqendrueshme situata sinoptike në vendin tonë edhe për ditën e sotme. Në pjesën më të madhe të vendit, kjo e premte nis me mot të kthjellët por sipas Meteoalb, duke ju afruar mesditës vranësirat do të shtohen sërish gradualisht.

Madje në disa zona malore dhe kodrinore në veri, dhe juglindje të vendit rrezikohet të ketë rrebeshe shiu afat-shkurtër. Ndërsa me kthjellime dhe vranësira mbetet pjesërisht bregdeti.

Temperaturat e ajrit ulen lehtë në mëngjes, por rriten në mesditë duke luhatur vlerat ditore nga 6°C deri në 27°C.

Era do fryjë mesatare me shpejtësi deri 35 km/h nga drejtimi Veriperëndimor ndërsa në brigjet detare krijohet dallgëzim mbi 3 ballë.