Mot i çuditshëm, mësoni si do jetë koha sot në bregdet

Sipas Meteoalb, Shqipëria sot do të vijojë që të mbetet nën ndikimin e masave ajrore të qëndrueshme, të cilat do të diktojnë në territorin shqiptar kthjellime dhe vranësira kalimtare në zonat përgjatë kufirit lindor por diell dhe temperatura relativisht të larta për ultësirën perëndimore.

Përkundër kohës në dy ditët e fundit, kjo e shtunë do të jetë ideale për të marrë rreze dielli dhe madje ne kushte jo pandemie do ishte edhe për plazh.

Temperaturat e ajrit rriten sërisht në mëngjes dhe mesditë duke luhatur vlerat ditore nga 5°C deri në 27°C. Era do fryjë mesatare me shpejtësi deri 35 km/h nga drejtimi jugor duke krijuar brigjet detare dallgëzim 3-4 ballë.

Kthjellimet do të dominojnë pjesën më të madhe të kontinentit Europian, ku më të dukshme paraqiten në Ballkanin Perëndimor. Ndërsa veriperëndimi i kontinentit dhe gadishulli Iberik vijon me vranësira dhe rrebeshe afat-shkurtër shiu.