“Mos pushoni, punoni dhe në fundjavë” Mesazhi i papritur i ambasadores amerikane për Reformën Zgjedhore

Përsa i përket tryezës së Reformës Zgjedhore aq të shumëpritur nga shqiptarët për ndryshimin e sistemit politik, ka ardhur një reagim i fortë nga ambasadorja amerikanë në vendin tonë Yuri Kim.

Me anë të një statusi në rrjetet sociale, ajo shprehet se po shikon përparime ndërsa i kërkon opozitës dhe mazhorancës të punojnë dhe në fundjavë dhe të mbajnë premtimin për ta përmbushur reformën deri më 31 maj.

“Më shumë përparim sot, mbeten 2-3 çështje. Palët duhet të punojnë gjatë fundjavës për të arritur marrëveshje deri më 31 maj, ashtu siç premtuan (duhet të fitojnë kohën e humbur nga COVID). Askush nuk do të marrë gjithçka që dëshiron – përcaktimi i negociatave. Ju jeni afër – mos pushoni, mos u zhgënjeni”, shprehet ambasadorja e SHBA.