LIGJET E BIZNESIT
Doktoreshë Silvana Bala, drejtuese e Shërbimit të Pneumologjisë në spitalin “Shefqet Ndroqi” ka komentuar së fundmi pacientët që e kalojnë COVID19 dhe pasojat që mund të lërë ky virus te ata.
Sipas Balës, një nga elementët kërcënues vjen në javët e para pasi pacienti del negativ.
Bëhet fjalë për tromboembolinë pulmonare apo e organeve të tjera, ku doktoresha thekson se mund të zgjasë deri në 4-5 javë.
“Ajo çfarë mund t’i kërcënojë jetën pacientit është se në javët e para pasi pacienti negativizohet nga COVID-19, kjo pasojë mund ti shkojë për 4-5 javë dhe flitet për komplikacionin më të mundshëm të saj që është tromboembolia pulmonare apo tromboembolia e organeve të tjera. Kjo është pasoja më e rëndësishme dhe që mund ti kërcënojë jetën edhe nëse kalon COVID-19, pacientit të sëmurë.
Nuk mund të flasim për pasoja mbetëse për gjithë jetën nga kjo sëmundje. Megjithatë çdo gjë varët nga mosha e pacientit, sëmundjet e shoqërueshme. Pneumonia nga COVID-19 ul dhe kufizon të gjithë aktivitetin funksional të mushkërive”, shpjegoi Bala gjatë një prononcimi në programin “ABC e mëngjesit.”
