Mjekët shqiptar gjobiten se festuan në Itali, Spiropali u del në mbrojtje

Elisa Spiropali, Ministrja e Shtetit për Marrëdhëniet me Parlamentin, në emisionin “Zonë e Lirë” ka folur në lidhje me gjobën që kanë marrë mjekët shqiptarë për festën që kishin bërë në hotel.

Ndër të tjera, Spiropali tha se mjekët thjeshtë kishin pirë një gotë dhe u falet ajo që kanë bërë se janë heronj.

“Ata që dinë të fitojnë, dinë dhe të festojnë. Ata janë larguar me shumë nder dhe me shumë falenderime nga shteti italian. Ata kanë shkuar për të pirë një gotë, e kanë hallall gjobën, le ta kenë marrë. Të mos shqetësohemi për gjobën”, u shpreh Elisa Spiropali.

Ndërkohë, ajo theksoi se shteti shqiptar do u rimbursojë edhe gjobën që kanë marrë duke thënë se “çdo shqiptarë do u rimbursonte gjobën atyre për atë që kanë bërë në Itali”.