Meta kujton prokurorin e Antimafias, Giovanni Falcone: Kush hesht e ul kokën, vdes sa herë e bën këtë gjë

Në përvjetorin e ndarjes nga jeta të prokurorit të famshëm italian, Giovanni Falcone, Presidenti Meta ka dhënë edhe një mesazh për reformën në drejtësi në vendin tonë.

Duke cituar një shprehje të Falcones,  Meta thotë se me kurajon e njerëzve si ai Shqipëria mund t’ia dalë në luftën kundër krimit dhe korrupsionit.

Postimi i plotë:

“Kush hesht dhe ul kokën, vdes sa herë e bën këtë gjë.

Kush flet dhe ecën me kokën lart, vdes vetëm një herë”.

Sot kujtojmë me nderim të jashtëzakonshëm Giovanni Falcone, Heroin e Antimafias, i cili edhe pse u vra nga mafia, e dërrmoi atë më shumë me mesazhin që u la “amanet” bashkëpunëtorëve të tij, si Paolo Borsellino e shumë të tjerë, të cilët rivendosën forcën e shtetit ligjor dhe rikthyen besimin e qytetarëve te Drejtesia.