Menuja e vakët e të riatdhesuarve në Shëngjin/ Hoxha: Shtojini ndonjë fletë qepë

Përmes një fotoje të publikuar në rrjetin social Facebook, gazetari investigativ Artan Hoxha ka treguar menunë e mëngjesit  të shqiptarëve të riatdhesuar.

Këta të fundit janë karantinuar pranë një hoteli në Shëngjin. Ndërkaq,në foton e publikuar nga gazetari Hoxha, shihet që menuja është e vakët pasi përmban vetëm një vezë, dy feta bukë, domate, kastravec dhe një salsiçe.

Bashkëngjitur me foton gazetari shkruan se nuk pretendon njëri që ti çoni për mëngjes salmon të tymosur por të paktën t’i shtonin dhe një kokërr vezë të skuqur më shumë, si edhe një fetë bukë më tepër, shoqëruar edhe me ndonjë fetë qepë për t’u rritur imunitetin.

Reagimi i plotë i gazetarit Hoxha:

Kjo qe shikoni ne foto, ishte menuja e mengjesit, per shqiptaret e sapo kthyer nga Italia, te karantinuar ne hotel-resortin e Shengjinit… Mesa duket, autoritetet po kujdesen fort edhe per nivelin e kolesterolit te te karantinuareve. Madje, po i mbajne ne diete te rrepte, per te mos patur probleme me obezitetin. Sigurisht, nuk pretendon njeri, qe ti coni per mengjes, salmon te tymosur, apo petulla me mjalt. Por, te pakten shtojuni dhe nje kokerr veze te skuqur me shume, nje fete buke me teper, shoqeruar edhe me ndonje flet qepe, per tu rritur imunitetin… Jo per gje, por do i hapni namin e keq resortit turistik me 5 yje, te prenotuar nga qeveria per karantinim…