MEGASKANDAL/ Si u shembën dy vilat e fundit otomane në Tiranë gjatë periudhës së karantinës

Një prej vilave ishte shpallur Monument Kulture i Kategorisë së I-rë që prej vitit 1987, shpallur nga Instituti Kombëtar i Trashëgimisë Kulturore, të cilin mund ta shikoni në linkun bashkëngjitur, edhe pse jo gjithmonë është funksional. (LINKU)

Vizatimet e mëposhtme, mesa duket në vazhdim do të jenë të vetmet që vërtetojnë ekzistencën e vilës së Abdi Toptanit, vendimi për prishjen e së cilës edhe pse një monument kulture i mbrojtur nga shteti nuk dihet si është dhënë.

Pra, kush e ka dhënë dhe kur e ka dhënë lejen për prishjen e këtyre dy vilave, të cilat ishin të fundit në Tiranë që i përkisnin periudhës otomane, një prej tyre e veprimtarit të shquar të çështjes kombëtare Abdi Toptani?

Dy vilat kategorizoheshin si ndër modelet më tipike të shtëpive tradicionale tiranase, ndërtuar në një prej rrugëve të të njohura të qytetit dhe të banuara historikisht nga familjet e vjetra tiranase.

Ndërkohë, as nga Instituti Kombëtar i Trashëgimisë Kulturore nuk ka asnjë reagim për prishjen e vilës së Abdi Toptanit dhe vilës tjerë, e cila i përkiste gjithashtu periudhës otomane. Cili ishte qëllimi i prishjes së këtyre vilave, dhe çfarë do të ngrihet mbi gërmadhat e tyre? /Artikulli i marrë nga newsbomb.al

Pikturat e shtëpisë së Abdi Toptanit: