Mbi 4 milionë të prekur dhe mbi 200 mijë të vdekur, shifrat e COVID-19 në gjithë botën

Edhe pse tashmë duket se kulmi ka kaluar, pandemia e COVID-19 vijon të përhapet dhe të marrë jetë njerëzish në gjithë botën. Deri në orët e para të mëngjesit të sotëm numri i të prekurve shkoi në mbi 4.1 milionë dhe mbi 280 mijë viktima.

Sakaq deri më tani betejën me këtë sëmundje në të gjithë botën e kanë fituar 1 441 866.

Ndonse virusi lindi në Kinë, ShBA vijon të jetë dhe vendi më i goditur nga Covid 19 ku deri më tani kanë humbur jetën 80 037 persona dhe mbi 1.34 milionë persona pozitivë.

Ndërkohë presidenti amerikan Donald Trump, është shprehur se parashikoi se humbjet e jetës mund të shkojnë në mbi 100 mijë si pasojë e kësaj sëmundje.

Gjithashtu, pas SHBA-së, për numrin më të madh të të prekurve dhe viktimave vjen Britania e Madhe, Italia, Spanja dhe Franca, ku ka pasur edhe me dhjetëra mijëra persona që kanë humbur jetën.