Pas përhapjes së koronavirusit në vend, institucionet shtetërore ishin nga të parat që u mbyllën.
Ndërkaq, pas kësaj nxënësit dhe studentët kanë zhvilluar mësimin online, por tashmë temë diskutimi është rikthimi i maturantëve dhe studentëtve në vitin e fundit bachelor dhe master me qëllim që të kryejnë provimet.
E ftuar në Abc News, ministrja e Arsimit Besa Shahini, tregoi se si do të jetë rikthimi i maturantëve në shkolla. Shahini pohon se nuk do të mblidhen më shumë se 12 nxënës në klasa.
“Siç kanë vepruar të gjitha vendet e tjera që kanë vendosur trë mbajnë maturat shtetërore edhe ne kemi ndërmarrë hapat tonë. Duke marrë parasysh që ka shumë nxënës vendosëm të kthejmë edhe klasat e tjera Ata do jenë maksimumi 12 nxënës në klasë duke rujatur distancën prej 2 metrash dhe do merren masa për higjienizimin e klasave. Dio jenë disa masa që do merren që nxënësit dhe mësuesit të jenë të sigurt. Ajo çfarë ne duam të sigurojmë është që çdo shkollë të ketë mjetet e nevojshme për të kryer pastrimin. Klasat do të jenë të pastra. Nëse nxënësit ndihen se mund ta bëjnë provimin pas konsultime mund të përgatiten vetë në shtëpi. Një maturant që i ka ndjekur edhe mësimet online është i përgatitur pa qenë nevoja të kthehen në shkollë. Pjesa më e madhe e kërkesave është që të vijnë në shkollë sepse kanë nevojë për konsultimin”, tha Shahini.
Përsa i përket universiteteve, Shahini tha se “auditoret me 200 studentë, nuk do të mbushen më si më parë me 200 a më shumë. Do krijojmë një plan që studentët të mblidhen në 15-20 vetë…Do shikojmë si do veprojmë universitetet e tjera nëpër botë, kemi dy shembuj të mirë, një nga Kanadaja një nga Gjermania”.
