Manastirliu gënjen? PD paralajmëron prova për nesër, reagimi

Kryedemokrati Lulzim Basha, deklaroi se Ministria e Shëndetësise ka djegur dokumente të tenderave korruptiv pasi SPAK nisi hetimet. Pas këtyre akuzave, i menjëhershëm ka qenë reagimi i ministres së Shëndetësisë Ogerta Manastirliu, e cila e mohon këtë fakt duke theksuar se nuk ka pasur zjarr në MSH.

Ndërkaq, pas reagimit të Manastirliut, Sekretari i Përgjithshëm i PD, Gazment Bardhi ka reaguar përmes një postimi në Facebook ku shprehet se ministrja gënjen.

Midis të tjerave, Bardhi shprehet se PD ka prova, dhe se do të bëhen publikë nesër.

Postimi i plotë:

Fronti i vjedhjes me tendera sekret vazhdon avazin e gënjeshtrës! Asgjë e re nga bashkëpunëtorja e Edi Ramës në vjedhje dhe në fshehjen e vjedhjes së parave të shqiptarëve me tendera sekret në kohë pandemie.

Ogerta Manastirliu gënjen paturpësisht për zjarrin e rënë në Ministrinë e Shëndetësisë. Ne kemi prova për këtë skandal dhe do t’i bëjmë publike nesër.

Fakti që Ministrja gënjen për zjarrin duhet të bëhet pjesë e hetimit jo vetëm për vjedhjen, por edhe manipulimin e dokumentave përmes djegies. Ajo gabon rëndë që mendon se duke i zhdukur provat do të shpëtojë nga burgu.

Ogerta Manastirliu boll nxorre tym nga koka dhe gënjeshtra nga goja. E kuptojmë që ky skandal të djeg shumë. Ky është zjarr që të çon në burg dhe nuk e shuan dot me ujë!