Lajmi i mirë! Plazhi nis në fund të majit, por këto do të jenë masat e rrepta për të gjithë pushuesit

Një lajm i mirë vjen së fundmi për adhuruesit e bregdetit.

Mësohet se në fund të muajit maj do të bëhet hapja e plazhit për të gjithë pushuesit.

Drejtoresha e Agjencisë Kombëtare të Turizmit, Kornelia Ferizaj është shprehur për TV Klan se në bashkëpunim me strukturat akomoduese edhe me subjektet e plazhit janë marrë masat për distancimin fizik.

Në plazhet ku çadrat do të jenë 3.5 metra larg njëra tjetrës do të jetë vrojtuesi i plazhit ai që do të merret me zbatueshmërinë e masave. Edhe në ujë pushuesit nuk do të lejohen më afër se 3.5 metra.

Në strukturat akomoduese, ushqimi nuk do të jetë me vetëshërbim, por çdo pushues do i serviret në dhomën e hotelit. Ndërsa koordinatori shëndetësor do të merret me matjen e temperaturës në mëngjes dhe darkë për turistët e hotelit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern