Një ngjarje e rëndë raportohet të ketë ndodhur Himarë. Policia bën të ditur se një 65-vjeçar është gjendur i pajetë midis fshatrve Kuç dhe Qeparo.
Burime për Fast News Albania bëjnë të ditur se shtetasi Ylli Luçaj u gjend i pajetë pasditen e sotme.
I ndjeri, punonte si roje në rrugën e re që po ndërtohet në fshatin Kuç, Himarë, ndërsa në rrethana ende të paqarta ka humbur jetën si pasojë e përdorimit të armës së zjarrit.
Njoftimi i policisë:
Më datë 31.05.2020, midis fshatrave Kuç dhe Qeparo, Himarë, në një zonë të pyllëzuar, është gjetur i pajetë shtetasi Y. L., 65 vjeç, banues në fshatin Kuç, i cili punonte si roje në rrugën e re që po ndërtohet në fshatin Kuç, Himarë.
Menjëherë në vendngjarje kanë shkuar shërbimet e Komisatiatit të Policisë Himarë ku paraprakisht dyshohet se shtetasi Y.L, në rrethana ende të paqarta ka humbur jetën si pasojë e përdorimit të armës së zjarrit.
Shërbimet e policisë po krehin zonës si dhe po vijon shoqërimi i personave që mund të kenë dijeni për ngjarjen.
Grupi hetimor i përbërë nga specialistë të Hetimit të Krimit në Komisariatin e Policisë Himarë dhe specialistë të Krimeve të Rënda të Drejtorisë Vendore të Policisë Vlorë nën drejtimin e Prokurorisë së Rrethit Vlorë, po vijon punën për zbardhjen e rrethanave të ngjarjes.
