LAJM I FUNDIT/ Gjendet e shkrumbuar një makinë në Elbasan, dyshimet paraprake

Një automjet i shkrumbur është gjetur në qytetin e Elbasanit, në aksin e vjetër Elbasan-Tiranë.

Duke iu referuar raportimeve paraprake, bëhet e ditur se automjeti plotësisht i djegur, është gjetur në fshatin Gracen. Mësohet se automjeti i djegur është tip Peugeot 307, me targa AA 352 TK.

Policia ngre dyshime të forta se automjeti mund të jetë përdorur nga persona me rekorde kriminale dhe se është braktisur në një zonë ku nuk ka shumë lëvizje.

Ndërkaq, lidhur me ngjarjen në fjalë, një grup hetimor është ngritur dhe po punon për identifikimin e personave që e kanë përdorur dhe e kanë braktisur duke i vënë flakën. Makina është transportuar me karrotrec në Drejtorinë e Policisë.