Kur do të hapen konviktet te Inxhinieria e Ndërtimit? RSU jep lajmin e rëndësishëm

Rezidenca Universitare Studentore nr.2 në Tiranë, dha njoftimin e rëndësishëm për studentët të cilët jetojnë në konvikte.

Në njoftimin e saj, RUS bëri të ditur se godinat e Sektorit të Inxhinierisë do të rihapen për studentët më 18 maj, por në kuadër të rregullave strikte dhe të përpikta.

Në një njoftim në rrjetin social Facebook, RSU bëri të ditur se stafi i RSU2 do të jetë në çdo moment në gatishmëri për çdo nevojë të mundshme.

Njoftimi i RSU:

Të nderuar studentë të Rezidencës Studentore Universitare Nr.2,

Duke iu referuar situatës në të cilën ndodhet vendi, si pasojë e pandemisë së shkaktuar nga Covid 19, ju bëjmë me dije për vendimin e marrë në lidhje me rihapjen në shërbim të studentëve të godinave akomoduese të RSU2.

Duke filluar prej datës 18 maj, godinat e Sektorit Inxhinieri pranë Rezidencës Studentore Universitare Nr.2 do të rihapen për studentët, por duke zbatuar me përpikmëri rregullat strikte të vendosura, sipas protokolleve dhe udhëzimeve bazuar në vendimet e publikuara nga Ministria e Shëndetësisë dhe Mbrojtjes Sociale.

Udhëzimet e përcaktuara do ti gjeni të afishuara pranë godinave akomoduese, të cilat duhet të përmbushen me rigorozitet përgjatë gjithë periudhës së pandemisë.

Stafi i RSU2 do të jetë në çdo moment në gatishmëri për çdo nevojë të mundshme.

Duke ju uruar më të mirat për ju dhe familjet tuaja, shihemi më 18maj!