Kthimi i ligjit për turizmin dhe Porto Romanon, Meta: Kishte ngritur shqetësime edhe KE

Presidenti Meta ka komentuar arsyet që e çuan atë drejt mos dekretimit të dy ligjeve që u kaluan nga Parlamenti.

Ligji për turizmin dhe Porto Romanon Meta I konsideroi si jo në interes të qytetarëve.

“Ligji për aktivitetin e turizmit detar, i kthyer. Është kthyer sepse ligji duhet të zhvillohet në një regjim të sigurt dhe këtë nuk e garanton mungesa e koherencës me kushtetutën. Përdorimi i emërtimeve në gjuhë të huaj, shkronjave që alfabeti nuk i njeh, jo vetëm shkel parimin se gjuha zyrtare është shqipja, por cenon identitetin kombëtar. Uroj që Kuvendi të reflektoje mbi këto çështje.

Ligji për portin në Porto Romano, konstatohet se procedura e aplikuar anashkalon konkurrencën e ndershme, duke hyrë në marrëdhënie të drejtpërdrejtë vetëm me një subjekt. Kanë mbërritur shqetësim edhe me operatorë të tjerë ekonomikë. Shqetësim ka ngritur edhe KE duke i kërkuar qeverisë shpjegime mbi procedurat e ndjekura. Kuvendi dhe qeveria duhet të vlerësojmë me kujdes shqetësimet e ngritura nga KE dhe operatorët e tjerë”, tha Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern