Edhe pse fillimi i javës shënoi shifra shumë të ulëta të rasteve të reja me koronavirus në Shqipëri, ditën e djeshme numri u rrit në mënyrë të befasishmë, ku rezultuan të infektuar 15 persona.
Por mesa duket edhe sot rastet dhe vatrat e reja nuk do të mungojnë.
Bëhet fjalë për një rikthim të COVID19 në Krujë, qytet ky ku prej disa ditësh nuk kishte raste të reja.
Mësohet se gjatë 24 orëve të fundit në qytetin e Krujës janë testuar 14 persona dhe 1 prej tyre ka rezultuar pozitiv për COVID19.
Sipas informacioneve ky rast është dhe vatër e re.
Kujtojmë se gjatë pandemisë Kruja ka qenë një vatër e nxehtë infeksioni, ku rastet më të shumta janë shënuar në bizneset e fasonerive.