Policia e Kosovës ka vënë në pranga një person, pasi dyshohet se ka kërcënuar me jetë biznesmenin e njohur Behgjet Pacolli, njëkohësisht dhe ish-ministër i Jashtëm.
Lajmin e ka bërë të ditur Naim Murseli, këshilltar i kryetarit të Aleancës Kosova e Re, Behgjet Pacolli, përmes një postimi në rrjetet sociale.
Ndërkohë metoda që përdorte autori në fjalë, tashmë i arrestuar ka habitur hetuesit, pasi ai ka pretenduar të jetë dhe prokuror i Kosovës.
Gjithashtu i arrestuari ka kërcënuar Pacollin dhe fëmijët duke i kërkuar para.
Më pas ai ka kërkuar në internet shkollën e fëmijëve, e cila është shkollë publike, të Pacollit dhe ka kërcënuar atë se do t’i rrëmbejë dhe do t’i djegë ata për së gjalli.
“Personi i arrestuar në orët e vona mbrëmë, me incialet E.H, i cili kërcënoi z. Pacolli dhe fëmijët e tij i ka kërkuar gjithashtu para. Personi ka pretenduar të jetë edhe prokuror i Kosovës. E.H ka kërkuar në internet shkollën e fëmijëve, e cila është shkollë publike, të z. Pacolli dhe ka kërcënuar atë se do t’i rrëmbejë dhe do t’i djeg ata për së gjalli. Z. Pacolli është shumë i tronditur dhe i mërzitur emocionalisht nga kërcënimet e bëra”, ka shkruar Murseli.
