“Këngëtarët të punojnë në ndërtim”/ Artistët reagojnë ashpër ndaj deklaratës së ministres Denaj

Ministrja e Ekonomisë Anila Denaj, e ka paraqitur rreth situatës ekonomike të vështira. Ndërkaq, e ftuar në emisionin e mëngjesit në ABC News, ministrja u shpreh se sektori i ndërtimit ka nevojë për fuqi punëtore.

Midis të tjerave ministrja Denaj, u shpreh se punëtorët e sektorit të turizmit apo edhe të fushave të tjerave duhet të tregojnë fleksibilitet më shumë se kurrë. Duke qenë se një problem mbi papunësinë e kanë ngritur edhe këngëtarët, Enkel Demi ka ndërhyrë duke pyetur Ministren nëse fleksibiliteti nga profesioni aktual, në ndërtim, vlen edhe për këta të fundit.

“Edhe këngëtarët që përmendët ju duhet të mendojnë në këtë drejtim. Qarkullimi në këto sektorë do të jetë më i ulët dhe do të ketë një rialokim”, është përgjigjur Denaj.

Ndërkaq, pas deklaratës së ministres Denaj, këngëtari Elton Deda ka reaguar duke u shprehur se kërkon më tepër detaje. “Zonja Ministre. Po mendoj seriozisht për ketë sugjerim tuajin. Te falënderoj nga zemra. Kel Demi kam nevoje te vërtetosh ketë gjë, nëse është fals apo i vërtete”, shkruan Elton Deda.

Por jo vetëm Elton Deda ka reaguar në lidhje me deklaratën e ministres Denaj. Edhe kitaristi Bledar Sejko ka reaguar me tone të ashpra ku u bën thirrje kolegëve të tij që të futen në ndëtim.

Reagimi i Bledar Sejkos

Miq dhe mikesha artiste, muzikante, aktore, regjizore, kineaste, humoriste, valltare, sportiste etj etj se nuk ka fund lista e sektoreve te artit dhe kulturës, sektori ndërtimit ka nevoje për punëtorë, sipas kësaj i bie që: Ne duhet te harrojmë profesionet, shkollat, studime, karrierën dhe një jete te tere nëpër skenat, brenda dhe jashtë vendit, ku me qindra artiste na kane nderuar neper skenat botërore, dhe qe fatkeqësisht disa janë kthyer qe te bëjnë artin ne atdheun e tyre, tani duhet te merren me ndërtime, dhe pastaj kur bie tërmeti radhes ( largqoftë) na bën me rrafsh se çfarë beri ky i nëntorit, se do futen jo profesioniste i bie ne fushën e ndërtimit. Ahhh mortja që s’të ha dhe nuk ju ha, mjere populli e mjere ne që merremi me ju debila. No comment.