LIGJET E BIZNESIT
Në një situatë ku lëvizjet janë shumë të kufizuara në shumicën e shteteve për shkak të pandemisë së COVID19, Italia ka marrë një vendim shumë të rëndësishëm.
Së fundmi qeveria ka miratuar një dekret ku do të lejohet udhëtimi nga Italia dhe për në Itali nga jashtë duke filluar nga data 3 qershor.
Gjithashtu, sipas asaj që shkruajnë mediat vendase, njerëzit që vinë nga jashtë, nuk do të karantinohen më për 14 ditë, siç bëhej më parë.
Ky veprim mund të konsiderohet një lëvizje e guximshme nga ana e kryeministrit Giuseppe Conte, duke marrë parasysh që shteti fqinj ka qenë një nga më të goditurit në Europë për shkak të kësaj pandemie.
Më parë disa rajone e kishin insistuar për një rikthim më të shpejtë, por Conte ka insistuar në një kthim gradual në normalitet për të parandaluar një valë të dytë të infeksioneve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se më shumë se 31.600 italianë kanë v.dekur nga COVID-19 që kur shpërthimi u shfaq hapur më 21 shkurt, rendi i tretë i vdekjeve në botë pas atyre të Shteteve të Bashkuara dhe Britanisë.
Ndalimi ndër-rajonal dhe për jashte i udhëtimit do të mbetet në fuqi deri pas festës së Ditës së Republikës së 2 Qershorit në Itali, duke parandaluar çdo udhëtim masiv gjatë asaj fundjave.
