LIGJET E BIZNESIT
Deputeti i Kuvendit të Shqipërisë, Adriatik Alimadhi i infektuar me koronavirus më shumë se një muaj më parë ka rrëfyer për News 24 betejën e tij me COVID-19, pas daljes nga spitali.
Alimadhi ngre shqetësimin se spitali Infektiv nuk i përmbush kriteret për t’ju përgjigjur COVID-19 dhe se prodhon më shumë politike, ndërsa totalisht ndryshe paraqitet situata sipas tij në spitalin COVID 2 “Shefqet Ndroqi”.
Deputeti rrëfen se në një moment kur situata e tij në spitalin Infektiv u përkeqësua, iu kërkua të shtrohej në reanimacion, por ai e konsideronte ketë një vend si të jetoje mes të vdekurve dhe kjo e trembte.
Por pas transferimit në Spitalin “Shefqet Ndroqi”, pas bërjes së skanerit ai u shtrua në reanimacion, ku gjeti edhe persona të tjerë që sot janë ndarë nga jeta për shkak të infeksionit COVID-19.
“Qëndrimi në Infektiv ishte një eksperience jo e mirë. Infektivi prodhon më shumë politikë dhe nuk flas për doktorët apo shefat e pavioneve, por spitalet tona në ato kushte janë. Infektivi nuk i plotëson parametrat e duhura për t’ju përgjigjur COVID-19.
Mendoj që spitali “Shefqet Ndroqi” duhet të ishte spitali i parë COVID-19. Të gjitha rastet që kanë kaluar tek “Shefqet Ndroqi” disa janë shëruar disa janë larguar, por atje kishte specialistë shumë të mirë. Te Infektivi as vetë doktorët nuk dinë se çfarë duhet të të japin për të shëruar, ose për të mbajtur gjallë se ende nuk ka një ilac për COVID, prandaj dhe gjendja ime për gati 26-27 ditë solli përkeqësimin.
Sepse atje janë mësuar me këtë kohë e pritjes, rri d9 ditë dhe kalon. Ka dalë në modë kjo. Pasi kaluan tri javë gjendja ime u bë më e vështirë dhe bëmë dy skaner. Më pas u transferova në Sanatorium. Bëra skaner atje dhe duke parë skanerin doktori më shtroi në reanimacion. Kushtet e kalimit nga Infektivi tek reanimacioni ishin të vështira dhe nuk e përjetova mirë këtë situatë. Reanimacioni vetë ishte si të jetoje mes të vdekurve. Disa jetonin disa ndaheshin nga jeta. Por theksoj se ka qenë një punë shumë e mirë dhe njerëzore e doktoreshë Almës. Shqipëria ka nevojë për specialistë të mire dhe njerëz që kanë botë njerëzore”, tha Alimadhi.
