Ironia e Murrizit: Te Teatri duhet të ketë dy trupa, u ka kaluar rrota sipër

Kreu i grupit parlamentar, Myslim Murrizi ka ironizuar kryedemokratin Lulzim Basha si dhe kryetaren e LSI Monika Kryemadhi. Ironia e Murrizit vjen pas deklaratave të tyre se Teatri Kombëtar do të shembej vetëm kur fadromat e IKMT të kalonin mbi trupat e tyre.

Në emisionin Arena, Murrizi ka thënë se në rrënojat e Teatrit Kombëtar duhet të ketë dy trupa që u ka kaluarrrota sipër. Më tej, deputeti tha se Aleanca për Teatrin është gënjyer nga politika.

“Për hatër të Kodit Zgjedhor e hëngri edhe Teatri kot. E prishën vetëm për këtë, por e lanë tani Teatrin. Aleanca bredh nëpër Shqipëri. I gënjyen. Nuk e di a shkuan xhenierët për të kontrolluar trupat te Teatrit se duhet të ketë dy trupa aty së nuk bën. U ka kaluar rrota sipër, se çfarë rrote nuk e di unë, po një rrotë u ka kaluar”, u shpreh deputeti Myslim Murrizi.