LIGJET E BIZNESIT
Mbrëmjen e sotme, Ministrja e Shëndetësisë Ogerta Manastirliu u shpreh se nga data 1 qershor Shqipëria do të hapë kufijtë ajror dhe detarë, si dhe do të hiqet karantina dy javore pë rata që vijnë nga jashtë.
“Hiqet karantina dyjavore dhe lejohet qarkullimi lirshëm i qytetarëve. Autoritetet e shëndetësisë kanë vendosur që të fillojmë të hapemi në disa drejtime. Kryesisht do të jenë hapje të rakorduara me marrëdhënie reciproke me vendet e tjera. Ne fillojmë nga data 1 hapjen e kufijve, besoj se edhe vendet e tjera brenda muajit maj do të shpallin datat e tyre”, u shpreh Manastirliu në emisonin Real Story.
Më tej, ministrja ka shtuar se vendet e BE ku hyn dhe Shqipëria do t’i hapin kufijtë mes tyre. Ajo ka shtuar se brenda këtyre dy javëve do të jetë gati protokolli për transportin detar, ajror e tokësor.
“Ajo që dihet deri më sot edhe nga vendet e BE është se do të kemi një hapje të vendeve evropiane, por edhe të vendeve të tjera, ku hyn edhe Shqipëria. Do të përcaktohen vendet që nuk kanë barrë epidemiologjike, që do të thotë se humbet karantinimi dyjavor. Asnjë vend evropian nuk është epidemiologjik, pra që të detyrojë karantinën. Greqia do të ketë një dalje brenda muajit maj, ku do të heqë dhe karantinën. Po punojmë me Ministrinë e Transportit dhe brenda këtyre dy ditëve miratojmë protokollin në lidhje me transportin ajror, detar dhe kufitar. Besoj që në fillim të javës tjetër do të kemi lajme sa i përket kufijve ajrorë dhe detarë”, përmbylli Ogerta Manastirliu, ministre e Shëndetësisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
