Ministrja e Financave Anila Denaj ka dhënë një lajm të rëndësishëm për të gjithë bizneset e prekura nga pandemia e COVID19.
Ajo ka njoftuar se qeveria shqiptare ka vendosur të japë 15 miliardë lekë mbështetje për garancinë e dytë sovrane.
Ajo shprehet se kjo do të thotë një mundësi financimi për të gjitha sipërmarrjet që kanë një historik të mirë në lidhje me marrëdhënien kreditore, dhe përjashtohen ata që quhen si kreditorë të këqinj.
Mësoheht se kredia do të ketë një afat shlyerjeje deri në 5 vite, dhe do të fillojë të lëvrohet nga java që vjen. Të gjitha bizneset e interesuar do të mund të drejtohen në bankat e nivelit të dytë për të aplikuar për kredi.
Sipas ministres nga këto kredi që biznesi do të marrë, qeveria del garant për 60 % të çdo huaje që bankat do të lëvrojnë për to, ndërsa 40 % tjetër do të dalë garant vetë sipërmarrja.
STATUSI I PLOTE I MINISTRES ANILA DENAJ
15 miliardë lekë mbështetje nga Qeveria Shqiptare për Garancinë Sovrane 2. Garancia Sovrane II, ofron mundësi financimi për të gjitha sipërmarrjet e ndikuara në aktivitet nga situata e pandemisë dhe me një historik pozitiv të marrëdhënies kreditore. Qeveria garanton 60% të principalit të çdo huaje, që bankat do të lëvrojnë për biznesin, sipas eksperiencave më të mira ndërkombëtare. Ky instrument:
Është në dispozicion për sipërmarrësit në të gjithë sektorët e ekonomisë
Synon të jetë burim për kreditimin e kompanive për kapital qarkullues dhe investime
Ofron mundësi financimi me një afat shlyerjeje deri 5 vjet
Ofron hapësirën për të mos paguar principalin për një periudhë jo më pak se 6 muaj
Ftojmë të gjitha bizneset, të mobilizojnë fondet e nevojshme për kapërcimin e efekteve të pandemisë dhe për të hedhur hapat drejt rimëkëmbjes së aktivitetit dhe ekonomisë. Prej javës së ardhme bizneset mund të shprehin interesin pranë të gjitha bankave të nivelit të dytë. #MbështesimSipërmarrjen
