Duket se kryetarja e Lëvizjes Socialiste për Integrim Monika Kryemadhi është e vendosur në qëndrimin e saj protestues kundër qeverisë pas shembjes së godinës së Teatrit Kombëtar mëngjesin e sotëm.
Ajo vijon të qëndrojë ende e ulur në shesh, midis protestuesve në zonën përballë Galerisë së Arteve.
Kryemadhi shprehet se ka 48 orë pa gjumë, por megjithatë ajo do të qëndrojë aty.
Duke biseduar me poetin e njohur Agim Doci, për një moment ajo pranoi dhe gabimin që bëri ditën e djeshme, duke u larguar pak momente më parë se të niste shembja.
PJESE NGA BISEDA
Kryemadhi: Unë këtu do të qëndroj, nuk lëviz më nga ky vend, as nuk çohem e nuk bëj asgjë tjetër deri sa të kem fuqi.
Agim Doçi: Krahina e të parëve të mi, Mirdita ka një mallkim më makabër, për ata që s’do me i pa thotë “të vdektë fjala”. Pra atyre që u ka vdekur fjala, politikuajve, nuk kanë bythë me ardh me ndenj me mua, Monikën dhe zonjat e tjera.
Kryemadhi: Do vi Luli këtu, nuk do iki, këtu ishte, po punon po sensibilizon, unë do qëndroj këtu, gabimin që bëmë dje, të paktën ta rregullojmë sot e në vazhdim.