Ora 18:50- Foto nga vendngjarja/ Plagosja në Laç, dyshohet t’i kenë zënë pritë
Burime për Fast News Albania bëjnë të ditur se në lidhje me plagosjen në Laç ka dyshime se të plagosurit t’i kenë zënë pritë.
Po të njëjtat burime tregojnë për Fast News Albania se mjeti tip BMW ngjyrë blu, dyshohet se i kanë zënë pritë Zef Markut. Ky i fundit po udhëtonte nga Laçi në drejtim të Lezhës
Ora 18:40- Zbardhen detaje nga të shtënat me armë, kush është i plagosuri në Laç
Pak momente më parë të shtëna me armë zjarri janë shënuar në Laç. Sipas informacioneve të deritanishme bëhet e ditur se një person ka mbetur i plagosur i cili është transportuar për në spitalin e Traumës në Tiranë. I plagosuri identifikohet si Zef Marku.
Burime për Fast News Albania bëjnë të ditur se ngjarja ka ndodhur në rrugën “Përvizi” në hyrje të qytetit të Laçit.
Policia ka shkuar në vendngjarje ndërsa automjeti ku dyshohet të ketë qenë i plagosuri ka dalë nga rruga ku ka humbur kontrollin dhe ka rënë në një kanal.
