“Faleminderit zoti President” Ambasadorja e SHBA reagon entuziaste pas deklaratës së Metës

Pas deklaratës së presidentit Ilir Meta ku u shpreh se inkurajon përmbylljen e Reformës Zgjedhore deri më 31 maj, ka ardhur dhe reagimi i ambasadores së SHBA në vendin tonë Yuri Kim.

Ajo e falenderon Kreun e Shtetit për inkurajimin.

“Faleminderit president për inkurajimin tuaj” , shkruan Kim në rrjetet sociale.

Kujtojmë se Meta sot inkurajoi palët politike që Reforma Zgjedhore të përmbyllet brenda afateve të përcaktuara nga vetë palët, 31 maj.

Gjithashtu Meta theksoi se ky miratim duhet të bëhet me dakordësinë e të gjitha palëve dhe jo në mënyrë të njëanshme.

Ai shtoi ndër të tjera se mospërmbushja e  rekomandimeve të OSBE-ODHIR, do të ishte një turp i madh për vendin tonë.