Erion Veliaj reagon për punësimin e Bieta Sulos dhe Mira Kazhanit në UKT

Për herë të parë, kryebashkiaku i Tiranës Erion Veliaj ka reaguar në lidhje me punësimin e gazetreve Mira Kazhani dhe Bieta Sulo pranë Ujësjellës Kanalizime Tiranë.

Ndërsa në një intervistë për Real Story, Veliaj u shpreh se kompanitë e mëdha kanë gjithmonë nevojë për këshilltarë, specialist mediash, ekspertë kredie, kontabël apo edhe konsulentë.

“Përsa i përket një kompanie siç është UKT-ja që është një nga kompanitë më të mëdhaja sot në kryeqytet, ndoshta pas OSSHE-së, ka nevojë gjithmonë për të marrë këshilltarë, specialistë mediash, konsulentë, ekspertë kredie, ekspertë kontabël, pra më të mirët që ka tregu. Kjo është një gjë që ndodh tipikisht”, tha Veliaj.

Ndërkohë, ai ka theksuar se edhe nëpër botë gazetarët punojnë rregullisht për kryetarët e bashkive apo kompanitë e qyteteve për të ndihmuar se si të komunikojnë me publikun përsa i përket vendimeve dhe reformave.