LIGJET E BIZNESIT
Zef Mazi kryenegociatori i Shqipërisë me BE gjatë procesit të gjatë që do të fillojë këtë vjesht. Lajmin e bëri me dije Kryeministri Edi Rama në një konferencë të përbashkët për shtyp me ambasadorin Luigi Soreca.
Ndër të tjera kryeministri Rama u shpreh se Mazi është një personalitet “pa të sharë” dhe se nuk ka hezituar të kritikojë edhe qeverinë.
Sa i përket çështjes së integrimit të Shqipërisë, pas hapjes së negociatave, kreu i qeverisë theksoi se duhet bashkëpunimi i të gjithë aktorëve dhe se për këtë është gati të ulet në një tryezë bashkëbisedimi me Presidentin Ilir Meta dhe kreun e opozitës, Lulzim Basha.
“Është momenti për ta thënë të emrin të kryenegociatorit, një personalitet pa të sharë, edhe pse nuk ka hezituar të kritikojë edhe qeverinë tonë, kjo është një arsye më shumë për ta përfshirë në këtë proces. Zef Mazi, do të jetë kryenegociatori dhe me një grup të mirë përzgjedhur do të jenën regjia e betejës për negociatat një betejë që zhvillohet në fushën e dijes, vullnetit ët mirë për të çuar me shpejtësi përpara procesin.
Me këtë skuadër, me këtë mirëkuptim të gjerë që kemi, shpresoj edhe me institucionet e tjera. Ne jemi gati për t’u ulur në një tryezë të gjerë me presidentin, kryetarin e opozitës dhe të gjithë aktorët e tjerë përfaqësues të institucioneve të pavarura, të drejtësisë, të japim një kontribut ët gjithë, secili me barrën e tij, e qeverisë është më e madhja dhe ne do ta mbajmë, e do ta mbajmë me sukses“, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
