LIGJET E BIZNESIT
Drejtoria e Përgjithshme e Shërbimeve të Transportit Rrugor ka bërë një njoftim të rëndësishëm për qytetarët që kanë blere apo shitur mjet, por nuk kanë bërë kalimin e pronësisë.
DPSHTRR njofton se nuk munden të azhornohen të dhënat nëse pala shitëse nuk ka kontakte me blerësin.
Ndër të tjera thuhet se nëse mjetin e blerë nuk e keni kaluar në emrin tuaj, atëherë ky mjet do ju bllokohet ose konfiskohet nëse shitësi ka detyrime ose debi ndaj të tretëve.
Postimi i plotë i DPSHTRR:
Keni shitur një mjet dhe vijon të mbetet në emrin tuaj ndërsa e përdor blerësi?
Ky mjet mund t’ju ngarkojë me detyrime nëse blerësi nuk paguan taksat, nëse nuk paguan gjobat brenda apo jashtë vendit!
Keni blerë një mjet dhe nuk e keni kaluar në emrin tuaj?
Ky mjet mund t’ju bllokohet apo konfiskohet nëse shitësi ka detyrime ose debi ndaj të tretëve!
SHITËSA & BLERËSA!
Rregulloni pozicionin tuaj në lidhje me mjetin! Për ju, për sigurinë rrugore, për DPSHTRR, për ligjin:
SHITËSI ka të drejtën të deklarojë mes dokumentave, faktin e aktit të shitjes, pranë DPSHTRR (Drejtoritë Rajonale)!
BLERËSI ka detyrimin të regjistrojë në emrin e vet (individ/subjekt) mjetin pranë DPSHTRR (Drejtoritë Rajonale)!
‼Për shkak të situatës së pandemisë COVID19, aplikimi i gjobës që parashikohet nga Kodi Rrugor për blerësin (10,000 – 40,000 Lekë të reja sipas vonesës)ndaj çdo regjistrimi të vonuar kalimi pronësie, do të shtyhet si afat deri në një njoftim të dytë!
Për gjithë ata që planifikojnë shitjen-blerjen, DPSHTRR ofron shërbimin e lehtësuar të kalimit të pronesisë së mjetit direkt në sportelet tona – 1 Stop Shop (1,400 Lekë)! #MëShpejtMëLehtëMëLirë
Për më shumë informacion për ndërrimin e pronësisë së mjetit:
https://ëëë.dpshtrr.al/…/udhezues-shitblerjet-e-paregjistru…
Faleminderit për mirëkuptimin!
