E rëndë/ Bie nga lartësia e banesës, humb jetën 21-vjeçari në Tiranë

Një ngjarje e rëndë ka ndodhur mbrëmë rreth mesnatës në Babrru të Tiranës.

Mësohet se një i ri  21-vjeçar ka rënë nga banesa e tij dhe më pas ka humbur jetën në spital.

Sipas policisë viktima vuante nga probleme të shëndetit mendor pasi muajt e fundit merrte mjekimë për depresionin.

Ndërkohë ende nuk dihet shkaku i saktë i aktit ekstrem.

NJOFTIMI ZYRTAR I POLICISE

Më datë 04.05.2020, rreth orës 23:50, në rrugën “Halit Haxhia”, në Babrru/ Kamëz, ka rënë nga lartësia e banesës së tij shtetasi E. K., 21 vjeç, i cili është dërguar menjëherë në spital në gjendje të rendë shëndetësore, ku më pas ka ndërruar jetë.

Grupi hetimor vijon punën për përcaktimin e plotë të shkakut të kësaj ngjarjeje.

Paraprakisht dyshohet se ky shtetas vuante nga probleme të shëndetit mendor, pasi muajt e fundit merrte mjekime për depresionin.