LIGJET E BIZNESIT
Kryeprokurori Olsian Çela ka reaguar ashpër nda Policisë së Shtetit, për shkak të mungesës së raporteve që tregojnë shkaqet e rritjes së kultivimit të kanabisit në vend.
Ndërkaq, në raportimin e zhvilluar në platformën online në Komisionin e Ligjeve, kryeprokurori Çela u shpreh se kultivimi i kanabisit është rritur në katër qarqt; Vlorë, Krujë, Shkodër dhe Gjirokastër. Ai theksoi se bashkëpunimi mes policisë dhe prokurorisë është i mangët.
“Ky është një fenomen në disa qarqe. Kemi vënë re një rritje të kultivimit të kanabisit në qarqet në Krujë, Vlorë, Gjirokastër, ndoshta Shkodra ku problemet janë konstante. Pse ka ndodhur kjo rritje e fenomenit? Në fakt do bëj një analizë paraprake jo vetëm brenda strukturës së Prokurorisë por edhe Policisë së Shtetit, për të kuptuar cilat kanë qenë masat parandaluese nga ana e tyre në këto qarqe.
Cila ka qenë përgjigja e Prokurorisë në raport me referimet që kanë bërë dhe si ka qenë efikasiteti i bashkëpunimit mes Prokurorisë përgjatë vitit 2019? E them këtë sepse janë pikërisht këto elementë që nga analiza që zhvillova në rrethet gjyqësore ua kërkova prokurorëve që ti evidentonin dhe të cilat nuk ishin evidentuar. Nuk ka sot një dokument zyrtar të përpiluar nga Policia e Shtetit dhe Prokuroria për të analizuar shkaqet se pse ka ndodhur,” u shpreh kryeprokurori Çela.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
