E gjithë bota kujtonte se kishte vdekur, ja ku rishfaqet për herë të parë Kim Jong (FOTO)

Prej kohësh në media ka qarkulluar lajmi se lideri i Koresë së Veriut Kim Jong Un ka humbur jetën si pasojë e komplikacioneve në shëndet pas një operacioni në zemër.

Por pas 20 ditësh numri 1 i Koresë së Veriut është rishfaqur në publik, duke shuar zërat e të gjithë skeptikëve.

Lajmin e ka bërë të ditur vetë agjencia shtetërore vendase, në kohën kur të gjithë menduan se pushtetin do e merrte motra e Jong.

Duke cituar median e Koresë së Veriut, BBC raporton se lideri koreano-verior preu shiritin e inagurimit në një fabrikë fertilizuesish.

Sipas raportimit të agjencisë, njerëzit shpërthyen në britma kur ai u shfaq, duke shfaqur gëzim dhe lumturi të madhe që lideri i tyre suprem u shfaq përsëri, pas ditëve në ankth për shëndetin e tij.

Që prej 11 prillit Kim Jong-Un nuk ishte shfaqur në publik, ndaj kjo nxiti edhe spekulime se mund të kishte vdekur, spekulime të cilat u shtuan kur Sekretari i Shtetit Amerikan Mike Pompeo tha se zyrtarët në vend nuk e kishin parë së fundmi.