E dinim të fejuar me një mjek, Alesia Bami i surprizon të gjithë

Modelja dhe moderatorja, Alesia Bami, është komentuar shumë së fundmi për një fejesë të mundshme. Moderatorja e “E Diell”, në një intervistë për “Shqipëria live”, është shprehur se nuk i ka pritur mirë komentet që kishte marrë.

Ndër të tjera, Bami tregoi që ishte tip egoist dhe donte më të mirën për veten dhe që kishte sakrifikuar shumë për ta arritur. Për këto arsye nuk mund të lejonte që të tjerët të hidhnin baltë mbi jetën e saj.

Ndërkaq, moderatorja tha se lajmet mbi fejesën e saj i ka besdisur të gjithë, edhe familjen gjithashtu. Kjo për arsyen se i kanë marrë prindërit në telefon duke i pyetur nëse e kanë fejuar apo jo vajzën.

Në një lidhje direkte me emisionin “Shqipëria live”, Alesia shprehet:

Kam qënë zemërgjerë me ta sepse kam menduar e kanë punë, do ndryshojnë. Por kur e bëjnë baltë mbi atë që kam krijaur vetë, është e patolerueshme. Unë nuk merrem më ata që rrinë shtrirë para televizorit, shohin arritjet e mia dhe i komentojnë. Unë jam egoiste dhe mendoj që për jetën time dua më të mirën. Por nuk dua ta lë vetëm si ëndërr, për ta arritur dhe kam patur shumë lodhje për të arritur atë që doja. Prandaj prekem kur më hedhin baltë. Nuk do të doja të ma hidhnin poshtë. Në fakt kjo është për të qeshur sepse filluan telefonatat tek familja ime që e fejuat vajzën? Me pak fjalë i futa pak a shumë në sherr ato të shtëpisë me fisin. Në fakt unë i ruaj shumë traditat. Po ta keni vënë re, unë pak a shumë ditëlindjet i kam bërë si fejesa. Sigurisht që po, kafet e vogla, kafet e mëdhaja, do t’i bëja me kënaqësi. Tek Alesia njerëzit nuk e kanë njohur tipin përtej ekranit. Më mendojnë një vajzë të bukur dhe me para. Jam një njeri i thjeshtë. Jam më e thjeshtë sesa dukem në ekran. Nuk ha vetëm krudo. Jam fanse e traditave. I bëj të gjitha punët në shtëpi.