LIGJET E BIZNESIT
Presidenti Meta ka vendosur ta rikthejë edhe një herë tjetër ligjin, “për miratimin e shtesës së kontratës së koncesionit të formës ‘BOT’ (ndërtim, shfrytëzim dhe transferim) të një porti të llojit mbm në porto-romano, Durrës”.
Me anë të një arsyetimi të gjatë dhe shterues, Meta ka renditur të gjitha arsyet sipas tij që ky ligj nuk duhet të hyjë në fuqi.
“Kthimin në Kuvend të ligjit nr. 58/2020 “Për miratimin e shtesës së kontratës së koncesionit të formës ‘BOT’ (ndërtim, shfrytëzim dhe transferim) të një porti të llojit MBM në Porto-Romano, Durrës, miratuar me ligjin nr. 104/2015, ndërmjet Ministrisë së Infrastrukturës dhe Energjisë dhe shoqërisë koncesionare ‘Porti MBM (Multy Buoy Mooring)’, të ndryshuar”, për rishqyrtim sipas arsyetimit bashkëlidhur këtij dekreti”, thuhet në dekretin e Metës.
Ndërkohë ligji në fjalë nuk kaloi pa dabate as në sallën e Kuvendit, ku ishte ish-ministri i Ditmir Bushati, i cili hodhi akuza të forta drejt qeverisë se me anë të këtij ligji mbështeten ata që quhen edhe si oligarkët që kontrollojnë shtetin.
