LIGJET E BIZNESIT
Në website të Ministrisë së Brendshme në kategorinë “Kontakto me Policinë”, është vënë në dispozicion numri i telefonit pa pagesë. Në këtë numër kontakti, pra në numrin 129, “mund të kontaktoni për prishje të rendit e të qetësisë publike, për ndihmë të shpejtë, kur ju kërcënohet jeta, apo jeni viktimë e një krimi, nëse jeni dëshmitar i një krimi, nëse jeni viktimë e dhunës në familje, për çdo person të dyshimtë që mund të jetë i kërkuar nga policia, për aksidentet rrugore, etj.”, thuhet në website të Ministrisë së Brendshme.
Më pas thuhet që “Policia do t’Ju vijë menjëherë në ndihmë”.
Në redaksinë e Fast News Albania, ka ardhur një denoncim nga një qytetar në lidhje me një incident të ndodhur pasditen e sotme në Tiranë.
“Sot pasdite këtu te 21 dhjetori një motorr i shpërndarjes së picave me goditi makinën rreth orës 18:20. Për të bërë procedurat përkatëse, kontaktova policinë në numrat e afishuara por nuk mora asnjë përgjigje. Ja shikojeni dhe vetë sa herë i kam rënë policisë por nuk më janë përgjigjur. Po sikur të isha në gjendje kritike për jetën kush do të përgjigjej?”, shprehet qytetari.
Siç u lartpërmend, nëse konktaktoni policinë, do t’ju vij menjëherë në ndihmë, ndërkohë në paralelizëm me rastin e denoncuar policia nuk i ka ardhur në ndihmë qytetarit.
Ky i fundit ka kontaktuar për disa herë me rradhë Policinë e Shtetit në numrin 129, Shërbimet e Policisë Rrugore në numrin 126 si dhe 112 numrin e Emergjencës.
Asnjë nga numrat e mësipërm nuk janë përgjigjur dhe nuk i kanë ardhur në ndihmë qytetarit.
Si do të ruaj rendin, apo si do t’i vij në ndihmë qytetarëve në rast aksidenti rrugor Policia e Shtetit kur nuk i përgjigjet?
