LIGJET E BIZNESIT
Kanë dalë dhe pamjet nga momenti kur efektivët e Operacionit Forca e Ligjit (OFL) mësyjnë në pronën e Lul Berishës, ish-kreut të bandës së Durrësit.
Ashtu sic dallohet dhe në video, OFL ka zbarkuar në këto biznese, ku janë sekuestruar 1.2 milionë litra naftë dhe një magazinë doganore në Durrës, në pronësi të Lulzim Berishës dhe E. SH.
Dyshohet se Lul Berisha duke kërcënuar konkurentët, kishte rinisur punën për shitjen e naftës, ndërkohë që i ishte hequr licenca.
Sipas Operacionit Forca e Ligjit, kjo skemë po zbatohej duke shantazhuar konkurentët, që më pas, anijet e peshkimit të blinin naftën, tek biznesi i Lulzim Berishës.
“Së bashku me Strukturat e Specializuara të Hetimit Financiar në Policinë e Shtetit dhe Doganat, në vijim të luftës kundër informalitetit, evazionit, ushtrimit të aktiviteteve të palicencuara dhe abuzimeve me tregun e hidrokarbureve, mbrëmjen e djeshme OFL sekuestroi 1,2 milion litra naftë dhe një magazinë doganore, në Durrës, në pronësi të subjektit privat L. B. & E. SH’, thuhet në njoftimin zyrtar të Policisë së Shtetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
